Nə cür hazırlıq?

source

   Yusif adında bir gənc dostları ilə birlikdə vaxtı ilə hər kəsin hörmətini qazanmış bir İslam böyüyü olan Hatəmi Əsamın ziyarətinə gəlmişdi. Söhbət əsnasında Hatəmə belə bir sual verirlər:
-Siz namaza necə hazırlaşırsınız?
   O da: -Namaza durmamışdan əvvəl, sağ tərəfimdə cənnəti, sol tərəfimdə cəhənnəmi fikirləşirəm. Siratı da ayaqlarımın altında, təbii ki, əməllərin ölçüləcəyi mizan-tərəzini də gözümün qabağında təsəvvür edirəm. Hz. Əzrailin namazı bitirən kimi canımı almaq üçün arxamda gözlədiyini düşünürəm. Bir də Uca Allahın (mən Onu görməsəm də) məni gördüyünü və hər an vücudumu və qəlbimi izlədiyini hiss edirəm, - deyir.
   Yusif təəccüblə:
-Siz namazı nə vaxtdan belə qılırsınız, -deyə soruşur.
   Hatəm:
-İyirmi ildən çox,-cavabını verir.


*İndi bu cür namaz qılanlar nə qədərdir, çox maraqlıdır. Bu namaz möhtəşəmlikdən başqa nədir?Siz necə düşünürsünüz? Sadəcə oxumaqla deyil, fikirlərinizi də bölüşsəniz, çox şad olaram :)

Döymə vurdurmaq olarmı? Döymə qüsul dəstəmazı almağa və namaz qılmağa maneə törədirmi?

Hər şeydən əvvəl bu iki şeyin bir birindən çox fərqləndiyini bildirməliyik. Çünki, döymə vurdurmaq ayrıdır, döyməli vücud ilə ibadət etmək isə ayrı. Unutmamalıyıq ki, döymə vurdurmaq İslamın əsaslarına görə haramdır. Allah Rəsulu (s.a.s) ümumi mənası Allahın yaratdığı şəkli dəyişdirməyə yönəldilmiş xüsuslara münasibət bildirdiyi hədislərində "Döymə vurana da, vurdurana da Allah lənət eləsin" (Əbu Davud) buyurmuşdur.
  İslamı tədricən dərk edən bir insan bu həqiqəti daha sonralar öyrənsə, lk fürsətdə bu döymələri vücudundan çıxartmalıdır. Döymə xaç kimi batil bir din simvolu və ya əxlaqa zidd çirkin bir şəkil olmazsa, o zaman onu sildirməyə və bu cür bədənə əziyyət verilməsinə ehtiyac yoxdur. Ancaq, tövbə və istiğfarla Allahın sonsuz rəhmətinə sığınmalı və bağışlanma istənilməlidir və qətiyyən vücudundakı döymələr onun ibadətlərini yerinə yetirməsinə əngəl deyildir.
  Döymə dəri altına yeridilən rəngli bir maddə olduğuna görə dərinin üstünə suyun dəyməsinə maneçilik törətmir. Odur ki, döymələr dəstəmaz və qüsul almağa maneə sayılmaz. Döymə bunlara zərər vermədiyinə və mane olmadığına görə bu cür ibadət etməyə də maneə olmaz.
  Bundan başqa, Həzrəti Peyğəmbərimizin (s.a.s) Amr ibn Asa (r.a) söylədiyi  "İslamiyyətə daxil olmaq keçmiş günahları silib-süpürər" hədisi bu baxımdan diqqətimizi çəkir. Əsas olan odur ki, keçmiş həyatında belə xətalar işləyən şəxs peşman olsun və itirdiyi dəyərləri edəcəyi ibadətlə əldə etməyə çalışsın.